Grænker

Urbalive Ormamolta - Beinhvít

34.900 kr

Gerðu líf þitt grænna, skemmtilegra og sjálfbært. Urbalive ormamoltan, sem við kjósum að kalla Grænker, gerir þér kleift að nýta matarafganga í moltugerð í stað þess að fleygja þeim í ruslið. Grænkerið er fullkomið til þess að hefja eigin moltugerð á snyrtilegan, aðgengilegan og umfram allt auðveldlegan máta. Haugánar (maðkar) vinna auðveldlega úr lífrænum úrgangi sem fellur til á heimilinu og breytir honum í náttúrulegan áburð. Grænkerið inniheldur bakka þar sem maðkarnir umbreyta matarleifum í moltu og áburð sem nýtist vel þegar þeir hafa lokið sér af.

Áburðurinn er einstaklega næringarríkur og er hann gjarnan kallaður „svart gull“, ormaúrgang eða ormate. Moltuna geturðu nýtt sem grunn í blómapotta eða sem áburð fyrir plönturnar þínar. Ormateið er svo fljótandi áburður sem inniheldur fjölmörg næringarefni og ensím sem hjálpar plöntunum að vaxa og dafna og dregur úr árásum meindýra. Afurðin er því frábær fyrir alla þá sem vilja hugsa vel um plönturnar, kryddjurtirnar og blómin.

Urbalive Grænkerið var hannað af tékkneska hönnuðinum Jiří Pelcl og er það framleitt af Plastia, rótgrónum evrópskum framleiðanda framúrskarandi garðyrkjubúnaðar. Urbalive Grænkerið hefur hlotið Red Dot hönnunarverðlaunin sem eru ein þau virtustu um allan heim ásamt því að hafa hlotið fjölmargar aðrar tilnefningar til hönnunarverðlauna.

Hvers vegna ættir þú að vera með moltugerð?

  • 40-60% af heimilissorpi er unnt að breyta í jarðefni
  • Kemur í veg fyrir óþarfa förgun með tilheyrandi áhrifum á umhverfið
  • Þú sparar pening í áburð og veitir plöntum þínum kærkomna næringu án aukaefna
  • Þú færð áburð sem inniheldur fjölmörg næringarefni og ensím til að hámarka vöxt plantanna
  • Stöðugar birgðir allt árið um kring af moltu fyrir plönturnar þínar
  • Börnin þín og barnabörn læra á skemmtilegan máta um lífsins hringrás

Hæð: 60,5 cm | Breidd: 50 cm | Þyngd: 6,65 kg

Leiðbeiningar.

 


Þú gætir einnig haft áhuga á

Nýlega skoðað